ہدایت میں کہا گیا ہے کہ مہلک حادثات میں ملوث ڈرائیوروں کے لائسنس منسوخ کیے جائیں جبکہ بغیر لائسنس گاڑی چلانے والوں کے خلاف مقدمات درج کیے جائیں۔
ڈی آئی جی ٹریفک نے مزید ہدایت دی کہ ان علاقوں میں اضافی نفری تعینات کی جائے جہاں بار بار حادثات پیش آتے ہیں تاکہ قوانین پر بہتر عملدرآمد ہو اور خطرات میں کمی لائی جا سکے۔
یہ بھی پڑھیں: سرکاری ملازمین کو مفت بجلی یونٹس فراہم کرنے کی سہولت ختم
انہوں نے یہ بھی حکم دیا کہ ون وے کی خلاف ورزی کرنے والی گاڑیوں کو ضبط کر کے جرمانہ کیا جائے جبکہ ہیلمٹ نہ پہننے والے موٹر سائیکل سواروں اور سیٹ بیلٹ استعمال نہ کرنے والے ڈرائیوروں کے خلاف سخت کارروائی کی جائے۔
مزید برآں، دورانِ ڈرائیونگ موبائل فون استعمال کرنے والے ڈرائیوروں کے خلاف بھی کارروائی کرنے اور لین ڈسپلن کو یقینی بنانے کی ہدایت دی گئی ہے تاکہ ٹریفک کا بہاؤ بہتر بنایا جا سکے۔
