تفصیلات کے مطابق ڈاکوؤں نے اہل خانہ کو اسلحے کے زور پر یرغمال بنا لیا اور گھر میں طویل وقت تک لوٹ مار کرتے رہے، ملزمان نے مجموعی طور پر 1 کروڑ 50 لاکھ روپے سے زائد مالیت کا سامان لوٹ لیا، جس سے علاقے میں خوف و ہراس پھیل گیا ہے۔

ذرائع کے مطابق ڈاکو ٹریفک وارڈن اخلاق احمد کے گھر سے 1 کروڑ 10 لاکھ روپے مالیت کے 22 تولہ طلائی زیورات بھی ساتھ لے گئے۔ اس کے علاوہ 25 لاکھ روپے مالیت کی ڈائمنڈ انگوٹھیاں اور 12 لاکھ روپے نقدی بھی لوٹ لی گئی، ڈاکو موبائل فونز، قیمتی گھڑیاں اور دیگر سامان بھی لے کر فرار ہو گئے، جن کی مجموعی مالیت تقریباً 9 لاکھ روپے بتائی جا رہی ہے۔

پولیس نے ٹریفک وارڈن اخلاق احمد کی مدعیت میں مقدمہ درج کر کے تحقیقات شروع کر دی ہیں۔

یہ بھی پڑھیں:معروف ٹی وی میزبان کی گاڑی پر فائرنگ، مولانا امیر حمزہ زخمی

پولیس حکام کے مطابق ملزمان کی تلاش کیلئے مختلف ٹیمیں تشکیل دے دی گئی ہیں، قریبی علاقوں میں چھاپے مارے جا رہے ہیں، ابتدائی شواہد اکٹھے کر لیے گئے ہیں، جلد ہی ملزمان کو گرفتار کرلیا جائے گا۔