اس نئے طریقہ کار کے مطابق ہر بچے کے لیے تین مختلف مراحل میں الگ الگ ب فارم بنایا جائے گا جس میں تصویر شامل ہوگی اور ہر فارم کی ایک مخصوص مدت ہوگی۔
بچے کی پیدائش کے وقت پہلا ب فارم بغیر تصویر کے بنایا جائے گا جو بچے کی عمر 3 سال ہونے تک کارآمد ہوگا۔
جب بچہ 3 سال کا ہو جائے گا تو اس کا دوسرا ب فارم تصویر کے ساتھ بنایا جائے گا جو 10 سال کی عمر تک کارآمد رہے گا۔
یہ بھی پڑھیں: ٹرانسپورٹ کے کرایوں میں 37 فیصد اضافے کی تجویز مسترد
جب بچے کی عمر 10 سال سے زیادہ ہو جائے گی تو نیا ب فارم دوبارہ بنایا جائے گا جس میں بچے کی تصویر اور آئی رس (iris) فنگر پرنٹس لیے جائیں گے۔ یہ فارم 18 سال کی عمر تک مؤثر رہے گا۔
والدین کو ہدایت دی گئی ہے کہ وہ بچے کی پیدائش کے ایک ماہ کے اندر یونین کونسل میں اس کی رجسٹریشن کروائیں اور نادرا سے فارم بی حاصل کریں۔
مزید برآں، جب فارم کی مدت ختم ہو جائے تو بروقت نیا فارم حاصل کرنے کے لیے قریبی نادرا دفتر جائیں یا PakID ایپ کے ذریعے گھر بیٹھے درخواست دیں۔
