تفصیلات کے مطابق حکومت نے پیٹرول پمپس پر ڈیجیٹل فیول منیجمنٹ سسٹم نافذ کرنے کا فیصلہ کر لیا ہے تاکہ شہریوں کو ذاتی گاڑیوں کے لیے پیٹرول کا کوٹہ مؤثر انداز میں فراہم کیا جا سکے۔
یہ اقدام مشرق وسطی کی کشیدہ صورتحال اور ممکنہ پیٹرولیم بحران کے پیش نظر کیا گیا ہے، وزارت آئی ٹی نے موبائل فونز پر فیول منیجمنٹ کے لیے تیار کی گئی ایپلیکیشن کی ٹیسٹنگ مکمل کر لی ہے اور منصوبے کی تفصیلات کابینہ ڈویژن بھیجی جاچکی ہیں۔
یہ بھی پڑھیں: گھی اور تیل کی قیمتوں میں اضافےکا امکان
ہر پیٹرول پمپ کو فراہم کیے جانے والے موبائل فون کی قیمت 72 ہزار روپے ہوگی، جس کی رقم آئل مارکیٹنگ کمپنیاں فراہم کریں گی، حکام کا کہنا ہے کہ نئے سسٹم کے تحت شہری فیول کے لیے زیادہ منظم اور شفاف طریقے سے اپنے کوٹے سے مستفید ہو سکیں گے جبکہ پیٹرولیم وسائل کے ضیاع کو بھی روکا جا سکے گا۔
متوقع ہے کہ اس منصوبے کے نفاذ کے بعد شہری ذاتی گاڑیوں کیلئے پیٹرول کے حصول میں آسانی محسوس کریں گے اور بحران کے دوران فیول کی منصفانہ تقسیم ممکن ہو گی۔
