ریلوے ذرائع کے مطابق قراقرم ایکسپریس (42-ڈاؤن) کراچی کے لیے سہ پہر 3 بجے کے بجائے 45 منٹ تاخیر سے سہ پہر 3 بجکر 45 منٹ پر لاہور سے روانہ ہوگی۔

اسی طرح پاک بزنس ایکسپریس (34-ڈاؤن) کراچی کے لیے سہ پہر 4 بجکر 30 منٹ کے بجائے 3 گھنٹے 45 منٹ تاخیر سے رات 8 بجکر 15 منٹ پر لاہور سے روانہ ہوگی۔

کراچی ایکسپریس (16-ڈاؤن) بھی تاخیر کا شکار ہے اور یہ شام 6 بجے کے بجائے 2 گھنٹے 30 منٹ تاخیر سے رات 8 بجکر 30 منٹ پر لاہور سے روانہ ہوگی۔

مزید برآں، پشاور سے لاہور آ کر کراچی جانے والی عوام ایکسپریس (14-ڈاؤن) شام 6 بجکر 55 منٹ کے بجائے 1 گھنٹہ 35 منٹ تاخیر سے رات 8 بجکر 30 منٹ پر روانہ ہوگی۔

یہ بھی پڑھیں: پنجاب حکومت نے ماحولیاتی بہتری کیلئے اہم قدم اٹھا لیا

فیصل آباد سے کراچی جانے والی 18-ڈاؤن ٹرین بھی اپنے مقررہ وقت شام 5 بجکر 50 منٹ کے بجائے ایک گھنٹہ تاخیر سے شام 6 بجکر 50 منٹ پر روانہ ہوگی۔

ریلوے حکام کے مطابق کراچی، کوئٹہ اور راولپنڈی سمیت دیگر شہروں کو جانے والی باقی تمام ٹرینیں اپنے مقررہ اوقات کے مطابق چل رہی ہیں۔

مسافروں کو ہدایت کی گئی ہے کہ وہ روانگی سے قبل متعلقہ ریلوے اسٹیشن سے اپنی ٹرین کے اوقات کی تصدیق ضرور کریں تاکہ کسی قسم کی پریشانی سے بچا جا سکے۔