رپورٹس کے مطابق حکومتی حکام بسنت 2026 کے تجربات سے حاصل ہونے والے اسباق کو مدنظر رکھتے ہوئے خامیوں کو دور کرنے کی تیاری کر رہے ہیں تاکہ عوام کو ایک منظم اور خوشگوار جشن فراہم کیا جا سکے۔
ذرائع کے مطابق حکومت نے نرخ قابو میں رکھنے کیلئے مختلف اقدامات کرنے کا فیصلہ کیا ہے، اس سلسلے میں پتنگ اور ڈور بنانے کی اجازت 6 ماہ قبل دی جائے گی تاکہ مصنوعات کی بروقت تیاری ممکن ہو اور قیمتیں بھی مناسب رہیں۔
اس کے علاوہ دیگر اضلاع اور صوبوں سے قبل از وقت سامان منگوانے کی بھی اجازت ہوگی تاکہ جشن کے دوران پتنگ و ڈور کی وافر دستیابی یقینی بنائی جا سکے۔
حکام کا کہنا ہے کہ گزشتہ سال بسنت میں محض ایک ماہ قبل پتنگ و ڈور بنانے کی اجازت دی گئی تھی، جس کی وجہ سے نرخ بڑھ گئے اور عوام کو مشکلات کا سامنا کرنا پڑا، اس سال پیشگی اقدامات کے ذریعے نہ صرف نرخ قابو میں رہیں گے بلکہ جشن کی رونق بھی بڑھائی جائے گی۔
واضح رہے کہ بسنت کی تیاری میں پہلے سے منصوبہ بندی کرنا نہ صرف عوامی سہولت کیلئے ضروری ہے بلکہ اقتصادی اور تجارتی پہلوؤں کو بھی مستحکم کرتا ہے۔
یہ بھی پڑھیں:بارشوں کا نیا سلسلہ شروع، موٹر وے پولیس کی اہم ہدایات جاری
حکومت کی جانب سے یہ اقدامات عوام میں خوشی اور امید کی لہر پیدا کر رہے ہیں کہ اگلے سال بسنت ایک یادگار اور محفوظ تہوار کے طور پر منایا جائے گا۔
