ترجمان کے مطابق 4 اپریل تک وقفے وقفے سے بارش متوقع ہے جس کے باعث سڑکوں پر پھسلن اور حدِ نگاہ میں کمی جیسے مسائل پیدا ہو سکتے ہیں۔
موٹر وے پولیس کا کہنا ہے کہ شہری غیر ضروری سفر سے گریز کریں اور اگر سفر ناگزیر ہو تو انتہائی احتیاط سے ڈرائیونگ کریں۔
ڈرائیورز کو ہدایت کی گئی کہ رفتار کو کم رکھیں اور اپنی گاڑی اور اگلی گاڑی کے درمیان مناسب فاصلہ برقرار رکھیں تاکہ کسی بھی ہنگامی صورتحال میں حادثے سے بچا جا سکے۔
ترجمان کے مطابق گاڑی کی لائٹس، بریک اور شیشے صاف کرنے والے آلات کو مکمل طور پر درست حالت میں رکھنا ضروری ہے تاکہ بارش کے دوران بہتر انداز میں گاڑی چلائی جا سکے، اس کے علاوہ اچانک بریک لگانے سے اجتناب کیا جائے کیونکہ گیلی سڑکوں پر گاڑی پھسلنے کا خطرہ زیادہ ہوتا ہے۔
یہ بھی پڑھیں:جمعہ کے روز گھروں سے آنلائن کلاسز کی منظوری، نوٹیفکیشن جاری
موٹر وے پولیس نے ڈرائیورز کو یہ بھی ہدایت دی ہے کہ دورانِ سفر موبائل فون کے استعمال سے گریز کریں اور اپنی مکمل توجہ سڑک پر مرکوز رکھیں۔
کسی بھی ہنگامی صورتحال میں شہری ہیلپ لائن 130 پر فوری رابطہ کر سکتے ہیں تاکہ بروقت مدد فراہم کی جا سکے۔
