وزارت مذہبی امور کے ذرائع کا بتانا ہے کہ خطے میں جنگی صورتحال کے پیش نظر عازمین حج کی تربیت کا دوسرا مرحلہ مختصر ترین کرنے کا فیصلہ کیا گیا ہے، وقت کم ہونے کے باعث عازمین حج کی ویکسی نیشن والے دن آدھے گھنٹے کی تربیت فراہم کی جائے گی۔
ذرائع کے مطابق وزارت مذہبی امور نے ملک بھر کے حج ڈائریکٹوریٹس کو نئی تبدیلی سے متعلق ہدایات جاری کر دی ہیں۔
وزارت مذہبی امور کے ذرائع کے مطابق مشرق وسطیٰ میں جنگی صورتحال کے پیش نظر رواں برس حجاج کے ویزوں میں بھی سعودی حکام کی طرف سے وقت لگا ہے،جنگی صورتحال کے پیش نظر حج تربیت کا دوسرا مرحلہ مختصر ترین کرنے کا فیصلہ کیا گیا ہے۔
یہ بھی پڑھیں: عازمین حج کے لیے خوشخبری، حج پروازوں کا شیڈول جاری
ذرائع کے مطابق تاحال سعودی حکام نے کراچی اور اسلام آباد ایئرپورٹس پر روڈ ٹو مکہ پراجیکٹ کے تحت امیگریشن سیٹ اپ بھی نہیں نصب کیا،کراچی اور اسلام آباد ایئرپورٹ پر روڈ ٹو مکہ پراجیکٹ کے تحت سعودی حکومت پاکستانی عازمین حج کی ون ٹائم امیگریشن پاکستان میں ہی کرتے ہیں۔
اس حوالے سے ایئرپورٹ حکام کا کہنا ہے کہ امید ہے کہ چند روز میں سعودی امیگریشن حکام پاکستان پہنچ جائیں گے۔
