تفصیلات کے مطابق وفاقی حکومت نے پیٹرول اور ڈیزل کی قیمتیں برقرار رکھنے کے لیے جاری مالی سال کے ترقیاتی بجٹ میں 100 ارب روپے کی کمی کرنے کی تجویز دی ہے تاکہ مالیاتی خسارے کو کنٹرول کیا جا سکے۔ حکومتی ذرائع کا کہنا ہے کہ پیٹرول 55 روپے اور ڈیزل 75 روپے فی لیٹرمہنگا نہ کرنے پر غور کیا جا رہا ہے اور توقع ہے پیٹرولیم مصنوعات کی قیمتوں میں اضافہ نہیں ہوگا۔
یہ بھی پڑھیں: سمارٹ لاک ڈاؤن کی تجویز، حکومت کا کفایت شعاری پلان سامنے آگیا
رواں مالی سال کا ترقیاتی بجٹ 1000 ارب روپے سے کم کر کے 900 ارب روپے مقرر کیے جانے کا امکان ہے جبکہ وفاقی حکومت تمام جاری ترقیاتی منصوبوں کے فنڈز میں 10 فیصد تک کٹوتی کرے گی تاکہ پیٹرولیم مصنوعات پر بوجھ کم کیا جا سکے۔
ذرائع کا کہنا ہے کہ ترقیاتی منصوبوں سے بچائے گئے یہ 100 ارب روپے ایمرجنسی ریلیف اور عوامی فلاح و بہبود کے کاموں پر خرچ کیے جائیں گے۔ حکومت پیٹرول کو 55 روپے اور ڈیزل کو 75 روپے فی لیٹر تک مہنگا کرنے پر غور کر رہی تھی، تاہم اب اس تجویز کے بجائے بجٹ کٹوتی کو ترجیح دی جا رہی ہے۔ اس اقدام سے نہ صرف مہنگائی کی لہر کو روکنے میں مدد ملے گی بلکہ مالیاتی خسارہ بھی قابو میں رہے گا۔
