پولیس ترجمان کی جانب سے جاری کردہ سرکاری بیان کے مطابق یہ مہم ایڈیشنل آئی جی جاوید عالم اوڈھو کی ہدایت پر 30 مارچ 2026 سے شروع کی جا رہی ہے۔ شہریوں سے کہا گیا ہے کہ وہ اپنی گاڑیوں پر سرکاری منظور شدہ نمبر پلیٹس لگائیں۔

حکام نے زور دیا کہ نجی، آرائشی یا غیر معیاری نمبر پلیٹس کا استعمال قانوناً سختی سے ممنوع ہے۔ ایسی پلیٹس نہ صرف شناخت کے مسائل پیدا کرتی ہیں بلکہ سیکیورٹی کے لیے بھی سنگین خطرات کا باعث بنتی ہیں۔

بیان میں مزید کہا گیا کہ کریک ڈاؤن کے دوران خلاف ورزی کرنے والوں کے خلاف بلا امتیاز سخت قانونی کارروائی کی جائے گی۔

یہ بھی پڑھیں: کوٹے کے مطابق پیٹرول الاٹ کرنے کیلئے ایپ جاری کرنے کا فیصلہ

کراچی پولیس نے تمام گاڑی مالکان کو ہدایت کی ہے کہ وہ فوری طور پر غیر قانونی نمبر پلیٹس کو سرکاری پلیٹس سے تبدیل کر لیں تاکہ کارروائی شروع ہونے کے بعد جرمانوں یا سزاؤں سے بچا جا سکے۔

حکام نے اس بات کا اعادہ کیا کہ قوانین پر عمل درآمد سے مجموعی سیکیورٹی بہتر ہوگی اور کراچی میں امن و امان برقرار رکھنے میں مدد ملے گی۔