میڈیا رپورٹس کے مطابق انجینئرنگ ڈیولپمنٹ بورڈ کے سی ای او حماد منصور نے بتایا ہے کہ حکومت نے آئندہ پانچ برسوں کیلئے 100 ارب روپے مختص کیے ہیں، جبکہ رواں مالی سال کیلئے 9 ارب روپے رکھے گئے ہیں۔ اس سال ایک لاکھ 16 ہزار الیکٹرک موٹر سائیکلوں پر فی موٹر سائیکل 80 ہزار روپے سبسڈی دی جائے گی، اسی طرح الیکٹرک رکشہ سکیم کے تحت ہر رکشے پر 4 لاکھ روپے کی سبسڈی فراہم کی جائے گی۔

انہوں نے مزید کہا کہ اس سکیم کے تحت فراہم کی جانے والی ای وی بائیکس دیگر برانڈز کے مقابلے میں 50 سے 60 ہزار روپے تک سستی ہوں گی، حکومت نے جون تک 76 ہزار موٹر سائیکلیں فراہم کرنے کا ہدف مقرر کیا ہے۔

یہ بھی پڑھیں:کیا آپ 13 ہزار روپے رمضان امداد کے اہل ہیں؟ فوری چیک کریں

اہلیت کے حوالے سے بتایا گیا کہ درخواست گزار کی عمر کم از کم 18 سال ہونی چاہیے اور اس کے پاس ڈرائیونگ لائسنس ہونا لازمی ہے، سکیم کا تمام نظام خودکار اور شفاف بنایا گیا ہے تاکہ کسی بھی قسم کی بے ضابطگی سے بچا جا سکے۔

یہ بھی پڑھیں:رمضان احساس پروگرام: 12500 حاصل کرنے کا طریقہ جانیے

حکام کا کہنا ہے کہ الیکٹرک موٹر سائیکل استعمال کرنے سے نہ صرف فضائی آلودگی میں کمی آئے گی بلکہ شہری ہر ماہ پٹرول کی مد میں تقریباً 8 ہزار روپے تک کی بچت بھی کر سکیں گے۔