ذرائع صوبائی حکومت کے مطابق خیبر پختونخوا کا رمضان احساس پیکج من پسند افراد میں تقسیم ہوگا۔ صوبائی حکومت نے رمضان احساس پروگرام کے تحت 12 ارب 80 کروڑ روپے کی منظوری دی ہے۔ صوبائی کابینہ نے رمضان پیکج کے تحت ہر پارٹی کے رکن اسمبلی کیلئے 5، 5 کا کوٹہ ہے۔
یہ بھی پڑھیں: آپ رمضان پیکج 13 ہزار کے اہل ہیں یا نہیں؟ جانیے
پارٹی کے اراکین قومی اسمبلی اور 2024 میں ناکام امیدواروں کیلئے بھی کوٹہ مقرر کیا گیا ہے۔ رمضان پیکج کے تحت پارٹی سے تعلق رکھنے والے تحصیل چیئرمین کیلئے ڈھائی ہزار افراد کا کوٹہ ہے۔ پی ٹی آئی خواتین ونگ، یوتھ ونگ اور آئی ایس ایف کو بھی 5، 5 ہزارروپے کا کوٹہ دیا گیا ہے۔ رمضان احساس پیکج کی تمام رقم محکمہ سماجی بہبود کے تحت بینک کے ذریعے تقسیم کی جائیگی۔
یاد رہے کچھ روز قبل وفاقی کابینہ کی اقتصادی رابطہ کمیٹی نے39 ارب روپے رمضان ریلیف پیکیج کی منظوری دی۔ وزیرخزانہ محمد اورنگزیب نے امریکا سے ویڈیو لنک پر اجلاس کی صدارت کی جس میں ایک نکاتی ایجنڈے پر غور کیا گیا۔
اعلامیہ کے مطابق وزیراعظم رمضان ریلیف پیکیج 2026 کی منظوری دی گئی۔ وزارت تخفیف غربت اور سماجی تحفظ ای سی سی میں سمری پیش کی جس میں پیکیج کےتحت مستحق خاندانوں میں فی کس 13 ہزار تقسیم ہوں گے۔ رمضان کےپہلے ہفتے کےدوران مستحقین کورقوم منتقل کی جائیں گی۔
حکام کا کہنا ہے کہ رمضان ریلیف پیکیج کی رقم ڈیجیٹل والٹس کے ذریعے تقسیم کی جائے گی، وزیراعظم رمضان ریلیف پیکیج کاحجم 29 ارب روپے اس سال بجٹ سے فراہم کیے جائیں گے، وزیراعظم کے رمضان ریلیف پیکیج کیلئے 10 ارب روپے پہلے سے موجود ہیں۔ وزیراعظم رمضان ریلیف پیکیج سے ایک کروڑ 20لاکھ خاندان مستفید ہوں گے۔
