کمشنر سوشل سکیورٹی ذوالفقار علی کھرل نے بتایا کہ محکمہ سوشل سکیورٹی پنجاب نے ماہ رمضان کے لیے محنت کشو ں میں 10 ہزار روپے دینے کا عمل شروع کر دیا ہے، صوبہ بھر میں 12 لاکھ سے زائد رجسٹرڈ ورکرز کو مریم نواز راشن کارڈ کے ذریعے 10ہزار روپے دئیے جارہے ہیں۔
انہوں نے کہا کہ وزیراعلیٰ پنجاب مریم نواز کی ہدایت پر ماہ رمضان میں محنت کشوں کی رقم 3 ہزار روپے سے بڑھا کر 10 ہزار روپے کر دی گئی ہے، محنت کش ماہ رمضان میں 10 ہزار روپے کا راشن یا کیش بھی لے سکیں گے۔
یہ بھی پڑھیں: حکومت کا 16 فروری کو عام تعطیل کا اعلان
ذوالفقار علی کھرل کا کہنا تھا کہ سوشل سکیورٹی کے تمام فیلڈ افسران مریم نواز راشن کارڈ کی تقسیم کے عمل میں دن رات مصروف عمل ہیں، ورکرز کی آسانی و رہنمائی کے لیے مریم نواز راشن کارڈ سیل مکمل فعال ہے، ورکرز کی بائیو میڑک کا عمل صوبہ بھر میں تیزی سے جاری ہے۔
