میٹرو بس حکام کے مطابق یہ بندش صدر اسٹیشن سے لے کر پاک سیکرٹریٹ تک لاگو ہے، جس کے باعث روزانہ ہزاروں مسافروں کی آمد و رفت متاثر ہو رہی ہے۔
ذرائع کے مطابق یہ اقدام ضلعی انتظامیہ کی ہدایات پر کیا گیا ہے، میٹرو بس سروس کے بند ہونے کی وجہ فوری طور پر واضح نہیں کی گئی، تاہم حکام نے کہا ہے کہ سروس کی بحالی کے حوالے سے جلد معلومات فراہم کی جائیں گی۔
اسی طرح راولپنڈی میں الیکٹرک بس سروس بھی بند کر دی گئی ہے، جس سے شہریوں کو متبادل ذرائع نقل و حمل تلاش کرنے پر مجبور ہونا پڑ رہا ہے۔ مسافر سوشل میڈیا اور خبروں کے ذریعے صورتحال سے آگاہ رہنے کی کوشش کر رہے ہیں۔
یہ بھی پڑھیں:ہر بیوہ کو ایک لاکھ روپے ملیں گے، بیوہ سپورٹ کارڈ منظور ہوگیا
دوسری جانب شہریوں کا کہنا ہے کہ اس طرح کی بندش سے شہریوں کی روزمرہ زندگی، دفاتر اور دیگر اہم سرگرمیاں متاثر ہو سکتی ہیں۔
شہری حکام سے اپیل کر رہے ہیں کہ میٹرو اور الیکٹرک بس سروس جلد بحال کی جائے تاکہ آمد و رفت میں آسانی ہو اور شہری معمول کی زندگی کی طرف واپس آ سکیں۔
