رمضان 2026 کی آمد میں اب صرف ایک ہفتہ باقی ہے اور اس کے ساتھ ہی مختلف ممالک میں روزوں کے دورانیے سے متعلق تفصیلات بھی سامنے آ گئی ہیں، جو جغرافیائی محلِ وقوع کے باعث ایک دوسرے سے خاصی مختلف ہوں گی۔
رپورٹس کے مطابق شمالی نصف کرے کے بعض ممالک میں روزے کا دورانیہ دنیا میں سب سے زیادہ ہوگا۔ روس، گرین لینڈ، آئس لینڈ، ناروے، سویڈن اور فن لینڈ میں روزے کا دورانیہ اوسطاً 16 گھنٹے تک رہے گا، جبکہ بعض شمالی علاقوں میں یہ مدت 18 سے 20 گھنٹے تک بھی پہنچ سکتی ہے۔ ان طویل اوقات کی وجہ وہاں دن کا غیر معمولی طور پر طویل ہونا ہے۔
دوسری جانب جنوبی نصف کرے کے ممالک میں روزے نسبتاً مختصر ہوں گے۔ برازیل، جنوبی افریقہ، چلی، نیوزی لینڈ، انڈونیشیا، ملائیشیا اور کینیا میں روزے کا دورانیہ تقریباً 11 سے 14 گھنٹے کے درمیان رہنے کا امکان ہے، جسے دنیا کے مختصر ترین روزوں میں شمار کیا جا رہا ہے۔
یہ بھی پڑھیں:بادل برسنے کو تیار،محکمہ موسمیات نے خبردار کردیا
ذہن نشین رہے کہ ایسے علاقوں میں جہاں دن یا رات غیر معمولی حد تک طویل ہوں، وہاں کے مسلمان شریعت کی اجازت کے مطابق مکہ مکرمہ یا کسی قریبی معتدل شہر کے اوقات کو اپنا سکتے ہیں، تاکہ روزہ رکھنے میں آسانی ہو۔
خیال رہے کہ رمضان المبارک 2026 کا آغاز 19 فروری کو متوقع ہے، تاہم رویتِ ہلال کی صورت میں یہ 18 فروری کو بھی شروع ہو سکتا ہے۔
