رپورٹ کے مطابق لیسکو کے نیٹ میٹرنگ صارفین کے لیے نئی بلنگ پالیسی نافذ کر دی گئی جس میں صارفین کے لیے ایکسپورٹ ریٹ میں 66 پیسے کمی کا اعلان کیا گیا ہے ، نئی پالیسی کے مطابق فی یونٹ ایکسپورٹ ریٹ 25 روپے 98 پیسے سے کم ہو کر 25 روپے 32 پیسے مقرر کی گئی ہے۔
لیسکو کی جانب سے جاری کردہ نوٹیفکیشن کے مطابق نئی بلنگ پالیسی کا نفاذ جنوری 2026 کے بلنگ سائیکل سے ہو گا اور منظور شدہ ڈی جی کپیسٹی سے زائد ایکسپورٹ یونٹس پر پابندی عائد ہوگی جب کہ اضافی ایکسپورٹ یونٹس کو ڈی جی کپیسٹی کے تناسب سے محدود کر دیا جائے گا۔
نوٹیفکیشن میں بتایا گیا ہے کہ نئی پالیسی کے نفاذ کے بعد بھی سی پی 22 کے تحت ایکسپورٹ یونٹس کی ایڈجسٹمنٹ جاری رہے گی، نیٹ میٹرنگ صارفین کے لیے ایکسپورٹ ایم ڈی آئی کا درست اندراج لازمی کیا جائے۔
یہ بھی پڑھیں: سولر صارفین کیلئے نیٹ میٹرنگ پالیسی میں بڑی تبدیلیاں
یاد رہے کہ اس سے قبل حکومت کیجانب سے ملک بھر میں تمام سولر صارفین کیلئے نیٹ میٹرنگ پالیسی میں اہم تبدیلی کی گئی تھی، پالیسی کو نیپرا سولر صارفین قوانین 2025 کا نام دیا گیا تھا، جسے اسٹیک ہولڈرز سے مشاورت کے بعد وزارت توانائی نے منظوری دی تھی۔
واضح رہے کہ یہ تبدیلیاں سولر سیکٹر میں شفافیت اور مؤثر ریگولیشن کو فروغ دینے کیلئے کی گئی ہیں، آئندہ چند ماہ میں صارفین کو نئی پالیسی کے تحت سہولتیں فراہم کی جائیں گی۔
