سوئی ناردرن کو میٹریل کی قلت کا سامنا، 50 ہزار کنکشن نہ لگ سکے
سوئی ناردرن گیس پائپ لائنز کمپنی (ایس این جی پی ایل) کو میٹریل کی شدید قلت کا سامنا ہے/ فائل فوٹو
January, 14 2026
(ویب ڈیسک) سوئی ناردرن گیس پائپ لائنز کمپنی (ایس این جی پی ایل) کو میٹریل کی شدید قلت کا سامنا ہے، ڈیمانڈ نوٹس ادا کرنیوالے سینکڑوں صارفین کے نئے گیس کنکشنز التوا کا شکار ہوگئے، جس سے کنکشن کے حصول کے خواہشمند صارفین شدید پریشانی میں مبتلا ہوگئے۔
گیس میٹرز پر پابندی ختم ہونے کے بعد سوئی ناردرن کو ساڑھے 3 لاکھ سے زائد نیو کنکشنز کی درخواستیں موصول ہوئیں، ذرائع کے مطابق 1 لاکھ 60 ہزار صارفین نے 25 ہزار کے ارجنٹ واؤچر جمع کروائے۔
یہ بھی پڑھیں: سونے کی اونچی اڑان، فی تولہ قیمت میں مزید اضافہ
سوئی ناردرن کمپنی نے سروے مکمل کرنے کے بعد 1 لاکھ سے زائد صارفین کو ڈیمانڈ نوٹس جاری کئے، 60 ہزار صارفین کو 25 ہزار کا ارجنٹ واؤچر جمع کروانے کے بعد ڈیمانڈ نوٹس جاری نہیں ہوسکے۔
ذرائع کا کہنا ہے کہ سوئی ناردرن کمپنی کے پاس پائپس، ٹیپس اور میٹرز کی شدید کمی ہے، جس کی وجہ سے 50 ہزار سے زائد کنکشنز ڈیمانڈ نوٹس ادا ہونے کے باوجود التوا کا شکار ہیں۔
