فیڈرل پبلک سروس کمیشن (ایف پی ایس سی) نے مقابلے کے امتحان سی ایس ایس 2026 کی ریگولر ڈیٹ شیٹ جاری کر دی ہے جس کے مطابق تحریری امتحانات کا آغاز 4 فروری 2026 سے ہوگا۔
جاری کردہ شیڈول کے مطابق امتحان کے پہلے دن امیدواروں سے انگریزی مضمون کا پرچہ لیا جائے گا جبکہ پریسی اینڈ کمپوزیشن کا امتحان 5 فروری 2026 کو ہوگا، اس کے بعد جنرل نالج کے مضامین کے پرچے 6، 7 اور 8 فروری کو منعقد کیے جائیں گے۔
مزید برآں، اسلامیات یا تقابلی مطالعۂ مذاہب (غیر مسلم امیدواروں کے لیے) کا پرچہ 9 فروری 2026 کو لیا جائے گا۔
یہ بھی پڑھیں: سخت سردی کے باعث طلبہ کے لیے بڑی رعایت کا اعلان
ایف پی ایس سی کے مطابق اختیاری مضامین کے امتحانات 10 فروری سے 15 فروری 2026 تک جاری رہیں گے جن کے پرچے مختلف گروپس کے تحت صبح اور شام کی نشستوں میں ہوں گے۔
فیڈرل پبلک سروس کمیشن نے تمام امیدواروں کو ہدایت کی ہے کہ وہ ڈیٹ شیٹ کے مطابق اپنی تیاری مکمل کریں اور امتحانی مراکز، رول نمبر سلپس اور دیگر جاری کردہ ہدایات پر سختی سے عمل کریں تاکہ کسی بھی قسم کی پریشانی سے بچا جا سکے۔
