ان کے انتقال کی خبر سامنے آتے ہی پارٹی قیادت، کارکنوں اور سیاسی حلقوں میں گہرے دکھ اور افسوس کی لہر دوڑ گئی۔
خاندانی ذرائع کے مطابق ڈاکٹر ضیا اللہ بنگش طویل عرصے سے علیل تھے۔ مرحوم کی نمازِ جنازہ کے حوالے سے اعلان بعد میں کیا جائے گا۔ پارٹی رہنماؤں اور قریبی عزیز و اقارب کی جانب سے مرحوم کی مغفرت اور درجات کی بلندی کیلئے دعائیں کی جا رہی ہیں۔
خیال رہے کہ ڈاکٹر ضیا اللہ بنگش پاکستان پیپلز پارٹی (پی پی پی) کے نظریاتی کارکنوں میں شمار ہوتے تھے۔ انہوں نے عملی سیاست میں رہتے ہوئے عوامی مسائل کے حل، جمہوری اقدار کے فروغ اور پارٹی تنظیم کو مضبوط بنانے کیلئے نمایاں کردار ادا کیا۔
بطور ایم پی اے انہوں نے اپنے حلقے میں عوامی فلاح و بہبود کے متعدد منصوبوں کی تکمیل میں کردار ادا کیا اور صحت، تعلیم اور سماجی خدمات کے شعبوں پر خصوصی توجہ دی۔
یہ بھی پڑھیں:معروف عالمِ دین مولانا فضل الرحیم اشرفی انتقال کر گئے
پاکستان پیپلز پارٹی کے رہنماؤں نے ڈاکٹر ضیا اللہ بنگش کے انتقال کو پارٹی کیلئے بڑا نقصان قرار دیتے ہوئے کہا کہ مرحوم کی خدمات کو ہمیشہ یاد رکھا جائے گا۔
سیاسی و سماجی شخصیات نے بھی ڈاکٹر ضیا اللہ بنگش کے انتقال پر رنج و غم کا اظہار کرتے ہوئے کہا کہ مرحوم ایک شفیق انسان، بااصول سیاستدان اور عوام دوست رہنما تھے جنہوں نے اپنی زندگی عوام کی خدمت کیلئے وقف کیے رکھی۔
اللہ تعالیٰ مرحوم کو جوارِ رحمت میں جگہ عطا فرمائے اور لواحقین کو صبرِ جمیل دے۔
