اس اقدام کا مقصد معذور اور خصوصی ضرورت رکھنے والے افراد کو معاشی سہارا فراہم کرنا اور ان کی زندگی کو آسان بنانا ہے۔
واضح رہے کہ ہمت کارڈ رکھنے والے افراد کو ہر تین ماہ بعد ساڑھے 10 ہزار روپے وظیفہ دیا جائے گا، نابینا افراد کیلئے رقم میں اضافہ کرتے ہوئے انہیں 12 ہزار روپے فراہم کیے جائیں گے۔ اس کے ساتھ ساتھ نابینا افراد کو وہیل چیئرز بھی دی جائیں گی تاکہ وہ اپنی روزمرہ زندگی میں بہتر سہولت حاصل کر سکیں۔
حکومتِ پنجاب نے خصوصی افراد کو ہدایت کی ہے کہ وہ اپنا سپیشل پرسن شناختی کارڈ بنوائیں تاکہ انہیں حکومتی وظائف اور سہولیات سے فائدہ حاصل کرنے میں آسانی ہو۔
یہ بھی پڑھیں:چیف منسٹر آئی ٹی انٹرن شپ پروگرام کا باضابطہ آغاز
امداد کے خواہش مند خصوصی افراد کیلئے رجسٹریشن کا طریقہ کار بھی نہایت آسان بنایا گیا ہے، وہ اپنا شناختی کارڈ نمبر 8123 پر ایس ایم ایس کر کے رجسٹریشن کروا سکتے ہیں۔
/حکومتی ترجمان کا کہنا ہے کہ یہ پروگرام خصوصی افراد کیلئے ایک جامع فلاحی منصوبہ ہے جس کے ذریعے انہیں مالی مدد کے ساتھ ساتھ بنیادی سہولیات بھی فراہم کی جائیں گی تاکہ وہ باعزت طریقے سے معاشرے کا فعال حصہ بن سکیں۔
