محکمہ تعلیم خیبرپختونخوا کی جانب سے جاری کردہ اعلامیے کے مطابق یہ فیصلہ طلبہ، اساتذہ اور تعلیمی عملے کی جان و مال کی حفاظت کے پیش نظر کیا گیا ہے۔
جاری کردہ ہدایات میں کہا گیا کہ تمام سرکاری و نجی اسکول، کالجز اور جامعات فوری طور پر بند رہیں گے، جبکہ تعلیمی اداروں کے ہاسٹلز کی بیرونی اور چھتوں کی روشنیاں بھی بند رکھنے کا حکم دیا گیا ہے۔
محکمہ تعلیم کے مطابق یہ اقدامات کسی بھی ممکنہ ناخوشگوار واقعے سے بچنے اور امن و امان کو یقینی بنانے کیلئے کیے جا رہے ہیں۔
بھارتی حملوں سے خطے کے امن و استحکام کو خطرہ لاحق
اعلامیے میں طلبہ، والدین اور اساتذہ سے اپیل کی گئی ہے کہ وہ حکومتی ہدایات پر مکمل عملدرآمد کریں اور غیر ضروری سرگرمیوں سے گریز کریں۔ محکمہ تعلیم نے واضح کیا ہے کہ یہ فیصلہ عارضی نوعیت کا ہے، جیسے ہی ملکی صورتحال میں بہتری آئے گی، تعلیمی ادارے دوبارہ کھولنے کا فیصلہ کیا جائے گا۔
ذہن نشین رہے کہ حالیہ دنوں میں ملک بھر میں امن و امان کی صورتحال کشیدہ ہو چکی ہے، جس کے باعث مختلف شہروں میں غیر معمولی اقدامات کیے جا رہے ہیں۔ تعلیمی حلقوں میں اس فیصلے پر تشویش ضرور پائی جاتی ہے، تاہم والدین کی اکثریت نے اسے طلبہ کی حفاظت کیلئے ضروری قدم قرار دیا ہے۔
