جاری کردہ اعداد و شمار کے مطابق بہاول وکٹوریہ اسپتال میں اب تک 36 زخمی زیر علاج ہیں، جنہیں طبی امداد فراہم کی جا رہی ہے۔ اسپتال میں ایمرجنسی نافذ ہے اور عملے کو ہائی الرٹ پر رکھا گیا ہے۔
دوسری جانب مرید کے میں گورنمنٹ ہیلتھ ایجوکیشنل کمپلیکس پر بھارتی حملے کے بعد ریسکیو آپریشن جاری ہے۔ اب تک کی معلومات کے مطابق اس حملے میں 2 افراد شہید جبکہ 12 زخمی ہوئے ہیں، جنہیں فوری طور پر قریبی اسپتال منتقل کر دیا گیا ہے۔
بھارت کا بزدلانہ حملہ، اسپتالوں میں ایمرجنسی، چھٹیاں منسوخ
لائن آف کنٹرول پر بھی کشیدگی میں اضافہ ہوا ہے۔ بھارتی جارحیت کے جواب میں پاک فوج کی جانب سے کوٹ کٹھیرا سیکٹر (کوٹلی) میں دشمن کی سرلیا 1 پوسٹ کو مارٹر گولے سے نشانہ بنا کر مکمل طور پر تباہ کر دیا گیا۔ حملے کے بعد بھارتی پوسٹ دھویں کے بادلوں میں لپٹ گئی۔
آئی ایس پی آر کے مطابق پاک فوج دشمن کو اس کی ہی زبان میں جواب دے رہی ہے، اور جوابی کارروائیوں میں دشمن کو بھاری جانی و مالی نقصان اٹھانا پڑا ہے۔
حکومتِ پاکستان نے عوام سے اپیل کی ہے کہ افواہوں پر دھیان نہ دیں اور صرف مستند ذرائع سے اطلاعات حاصل کریں۔
