پی آئی اے سٹاف کا نیا یونیفارم، معروف ڈیزائنر نے ڈیزائن پیش کر دیے

اس سلسلے میں پی آئی اے کی جانب سے نیا یونیفارم ڈیزائن شوکیس 2026 منعقد کیا گیا، جس میں معروف پاکستانی ڈیزائنرز نے ایئر ہوسٹ اور ایئر ہوسٹس کے مستقبل کے یونیفارم کے لیے اپنی تجاویز پیش کیں۔

شوکیس میں حسن شہریار یاسین (ایچ ایس وائے)، اسماعیل فرید، ماہین، جنریشن، عامر عدنان، نومی انصاری، دیپک اینڈ فہد سمیت دیگر ڈیزائنرز نے حصہ لیا۔

پیش کیے گئے ملبوسات نے پی آئی اے کی روایتی شناخت کو برقرار رکھتے ہوئے اسے جدید فیشن کے انداز میں پیش کرنے کی کوشش کی گئی ہے۔

یہ بھی پڑھیں: پیٹرول اور ڈیزل کی نئی قیمتوں کا اعلان ، نوٹیفکیشن جاری

پی آئی اے کی نجکاری کے بعد ایئر لائن کی برانڈنگ اور مجموعی انداز میں تبدیلیوں کا سلسلہ جاری ہے، اس تناظر میں اسٹاف کی یونیفارمز کو بھی نئے ڈیزائن میں ڈھالنے پر کام کیا جا رہا ہے۔

نئے ملبوسات کے ڈیزائن سامنے آنے کے بعد سوشل میڈیا صارفین نے بھی اپنی پسند کا اظہار شروع کر دیا ہے بعض صارفین نےایچ ایس وائے کے ڈیزائن کو پسند کیا جبکہ کچھ نے اسماعیل فرید اور نومی انصاری کے انداز کو سراہا۔

نئی یونیفارمز کے ڈیزائن سوشل میڈیا پر بھی توجہ حاصل کر رہے ہیں تاہم حتمی یونیفارم کا انتخاب پی آئی اے کی جانب سے کیا جائے گا۔