آئمہ بیگ کی زین احمد سے علیحدگی کی تصدیق،پوسٹ وائرل
آئمہ بیگ کی گزشتہ سال اگست میں کینیڈا میں ایک نجی تقریب کے دوران زین احمد کے ساتھ شادی ہوئی تھی۔ گلوکارہ نے شادی کی تصاویر بھی سوشل میڈیا پر اپنے مداحوں کے ساتھ شیئر کی تھیں، جس پر انہیں مداحوں کی جانب سے مبارکبادیں دی گئی تھیں۔
شادی سے قبل آئمہ بیگ اور زین احمد ایک دوسرے کو ڈیٹ بھی کرتے رہے جبکہ دونوں نے مختلف مواقع پر اپنی محبت کا کھلے عام اظہار کیا تھا، تاہم کچھ عرصے سے دونوں کے درمیان اختلافات اور ازدواجی زندگی میں کشیدگی کی افواہیں سوشل میڈیا پر گردش کر رہی تھیں۔
اس دوران آئمہ بیگ کی جانب سے سوشل میڈیا پر بعض ایسی پوسٹس اور اشارے بھی سامنے آئے جنہیں مداحوں نے ان کی ذاتی زندگی سے جوڑنا شروع کردیا۔
حال ہی میں گلوکارہ نے اپنے چہرے پر چوٹ کی تصویر بھی شیئر کی تھی، جس کے بعد سوشل میڈیا صارفین کی جانب سے مختلف قیاس آرائیاں کی گئیں۔
اب آئمہ بیگ نے ایک تقریب کی تصاویر اپنے سوشل میڈیا اکاؤنٹ پر شیئر کی ہیں، جن میں وہ سیاہ لباس میں دکھائی دے رہی ہیں جبکہ ان کے بال سلور بلون رنگ کے ہیں۔
یہ بھی پڑھیں:عثمان پیرزادہ اور حمیرا بانو کی شادی؟ حقیقت جانیے
ان تصاویر کے ساتھ گلوکارہ نے ایسا کیپشن استعمال کیا جس میں انہوں نے خود کو سنگل ظاہر کیا ہے۔ اس پوسٹ کے بعد مداحوں نے اسے زین احمد سے علیحدگی کا واضح اعلان قرار دیا۔
دوسری جانب زین احمد کی جانب سے آئمہ بیگ کے اس بیان یا علیحدگی کے معاملے پر تاحال کوئی باضابطہ ردعمل سامنے نہیں آیا۔
