سارو گنگولی کی 10 سال بعد ٹی وی پر واپسی، ریئلٹی شو ’بگ باس‘ کی میزبانی سنبھال لی
سارو گنگولی کو مقبول رئیلٹی شو ’بگ باس بنگلا‘ کے تیسرے سیزن کا میزبان مقرر کیا گیا ہے، جس کی باقاعدہ نشریات 30 اگست سے اسٹار جلسا اور جیو ہاٹ اسٹار پر شروع ہوچکی ہیں۔
سابق بھارتی کپتان نے شو کی میزبانی سنبھالنے کے حوالے سے اپنے خیالات کا اظہار کرتے ہوئے بگ باس کو بھارت کا سب سے بڑا شو قرار دیا۔ ان کا کہنا تھا کہ پروگرام کی غیر معمولی مقبولیت اور مختلف زبانوں میں اس کے پھیلاؤ نے اسے دیگر رئیلٹی شوز سے منفرد مقام دیا ہے۔
یہ بھی پڑھیں: ’اسپائیڈر مین ‘ سیریز کے اسٹار نے شادی کر لی، تصاویر سوشل میڈیا پر وائرل
یہ ذمہ داری سارو گنگولی کے لیے اینڈیمول شائن انڈیا کے ساتھ پہلی وابستگی بھی ہے، جبکہ وہ تقریباً 10 سال کے وقفے کے بعد کسی ٹی وی پروگرام کی میزبانی کر رہے ہیں۔
سارو گنگولی کا کہنا ہے کہ وہ ماضی میں متعدد ٹی وی پروگرامز کی میزبانی کرچکے ہیں، تاہم ’بگ باس‘ کی میزبانی ان کے لیے ایک بالکل مختلف اور نیا تجربہ ہے۔
واضح رہے کہ ’بگ باس بنگلا‘ تقریباً ایک دہائی کے وقفے کے بعد دوبارہ ٹی وی اسکرین پر واپس آیا ہے، جس کے تیسرے سیزن کی میزبانی سارو گنگولی کر رہے ہیں۔
دوسری جانب ’بگ باس‘ کے ہندی ورژن کی میزبانی اداکار سلمان خان بدستور کر رہے ہیں، جبکہ شو کا 20واں سیزن 6 ستمبر سے شروع ہونے جا رہا ہے۔
