ایل پی جی لے کر ایک اور بحری جہاز کراچی پہنچ گیا

ترجمان پورٹ قاسم اتھارٹی کے مطابق بحرین سے ایل پی جی لے کر آنے والا بحری جہاز ’یلو اسٹون‘ 24 اکتوبر کو پورٹ قاسم پر لنگر انداز ہوا۔ جہاز 4 ہزار میٹرک ٹن ایل پی جی لے کر پہنچا، جبکہ بندرگاہ پر گیس کی کھیپ کی ہینڈلنگ بھی مکمل کرلی گئی ہے۔

یہ بھی پڑھیں: لاہور رنگ روڈ پر ٹریفک جرمانوں میں بڑا اضافہ، نئے نرخ جاری

ماہرین کے مطابق ایل پی جی کی درآمد سے مقامی طلب پوری کرنے میں مدد ملے گی۔ دوسری جانب ذرائع کا کہنا ہے کہ ایل پی جی کی سپلائی بہتر ہونے کے بعد قیمتوں میں کمی متوقع ہے۔

واضح رہے کہ اکتوبر کے لیے ایل پی جی کی سرکاری قیمت 279 روپے 34 پیسے فی کلو مقرر ہے، تاہم ملک کے مختلف شہروں میں یہ 600 سے 650 روپے فی کلو تک فروخت ہو رہی ہے۔