سونے کی قیمتوں میں مسلسل چوتھے روز بڑی کمی
کارباری ہفتے کے آخری روز بین الاقوامی مارکیٹ میں سونے اور چاندی کی قیمتوں میں کمی کے اثرات مقامی صرافہ بازاروں میں بھی دیکھنے میں آئے۔ آل پاکستان جیمز اینڈ جیولرز ایسوسی ایشن کے مطابق ملک بھر میں 24 قیراط فی تولہ سونے کی قیمت 7 ہزار روپے کمی کے بعد 4 لاکھ 24 ہزار 536 روپے ریکارڈ کی گئی۔
اسی طرح 10 گرام 24 قیراط سونا 6 ہزار ایک روپے سستا ہوکر 3 لاکھ 63 ہزار 971 روپے کا ہوگیا، جبکہ 10 گرام 22 قیراط سونے کی قیمت 5 ہزار 501 روپے کمی کے بعد 3 لاکھ 33 ہزار 652 روپے پر آگئی۔
یہ بھی پڑھیں: نئی آٹو پالیسی 2031-2026 کی منظوری، آئی ایم ایف کی تجویز مسترد
عالمی بلین مارکیٹ میں بھی سونے کی قیمت 70 ڈالر فی اونس کم ہوکر 4 ہزار 20 ڈالر ہوگئی۔
سونے کے ساتھ چاندی کی قیمتوں میں بھی کمی ریکارڈ کی گئی۔ مقامی مارکیٹ میں 24 قیراط فی تولہ چاندی 221 روپے سستی ہوکر 5 ہزار 865 روپے کی ہوگئی، جبکہ 10 گرام چاندی کی قیمت 189 روپے کمی کے بعد 5 ہزار 28 روپے ریکارڈ کی گئی۔
عالمی مارکیٹ میں چاندی کی فی اونس قیمت بھی 2.21 ڈالر کم ہوکر 53.87 ڈالر ہوگئی۔
