مٹی کے تیل میں فی لیٹر 17 روپے 35 پیسے کا اضافہ
مٹی کے تیل کی قیمت میں اضافے کا نوٹیفکیشن اوگرا کی جانب سے جاری کردیا گیا، جس کے بعد ملک بھر میں مٹی کا تیل مزید مہنگا ہوگیا ہے۔
نوٹیفکیشن کے مطابق مٹی کے تیل کی قیمت میں 17 روپے 35 پیسے فی لیٹر اضافہ کیا گیا ہے۔ اضافے کے بعد مٹی کے تیل کی نئی قیمت 324 روپے 35 پیسے فی لیٹر مقرر کردی گئی ہے۔
اس سے قبل مٹی کا تیل 307 روپے فی لیٹر میں فروخت کیا جارہا تھا، نئی قیمت کے اطلاق کے بعد صارفین کو فی لیٹر مٹی کے تیل کیلئے پہلے کے مقابلے میں زیادہ رقم ادا کرنا ہوگی۔
واضح رہے کہ مٹی کا تیل عام طور پر ان علاقوں اور گھرانوں میں استعمال کیا جاتا ہے جہاں گیس یا دیگر ایندھن کی سہولت محدود ہو، اس لیے قیمت میں اضافے سے ایسے صارفین کے ماہانہ اخراجات بھی بڑھنے کا امکان ہے۔
قیمت میں تازہ اضافے کے بعد شہریوں کی جانب سے مہنگائی کے بڑھتے ہوئے دباؤ پر تشویش کا اظہار کیا جارہا ہے۔
شہریوں کا کہنا ہے کہ روزمرہ استعمال کی اشیاء اور توانائی کے اخراجات پہلے ہی مسلسل بڑھ رہے ہیں، ایسے میں پٹرولیم مصنوعات سے متعلق قیمتوں میں اضافہ ان کیلئے مزید مشکلات پیدا کرسکتا ہے۔
یہ بھی پڑھیں:سونے کی فی تولہ نئی قیمت سامنے آگئی
حکام کی جانب سے مٹی کے تیل کی نئی قیمت مقرر کیے جانے کے بعد مارکیٹ میں اس کی فروخت نئے نرخ کے مطابق ہوگی، جبکہ صارفین کو اضافی رقم ادا کرنا پڑے گی۔
