سونے کی قیمت میں بڑی کمی، فی تولہ کتنے کا ہوگیا؟
آل پاکستان صرافہ جیمز اینڈ جیولرز ایسوسی ایشن کے جاری کردہ ریٹس کے مطابق 24 قیراط سونے کی فی تولہ قیمت میں 3 ہزار 700 روپے کی کمی ہوئی، اس کمی کے بعد ایک تولہ سونے کی قیمت 4 لاکھ 58 ہزار 236 روپے ہوگئی۔
صرافہ ایسوسی ایشن کے مطابق 24 قیراط سونے کی 10 گرام قیمت میں بھی 3 ہزار 172 روپے کی کمی ریکارڈ کی گئی، جس کے بعد 10 گرام سونا 3 لاکھ 92 ہزار 863 روپے کا ہوگیا۔
اسی طرح 22 قیراط سونے کی 10 گرام قیمت 2 ہزار 908 روپے کم ہوکر 3 لاکھ 60 ہزار 137 روپے کی سطح پر آگئی ہے۔
دوسری جانب چاندی کی قیمت میں بھی کمی دیکھنے میں آئی، 24 قیراط چاندی کی فی تولہ قیمت 186 روپے گھٹ کر 6 ہزار 800 روپے ہوگئی، جبکہ 10 گرام چاندی کی قیمت میں 160 روپے کمی کے بعد یہ 5 ہزار 829 روپے کی سطح پر آگئی۔
عالمی مارکیٹ میں بھی قیمتی دھاتوں کی قیمتوں میں کمی کا رجحان برقرار رہا۔ عالمی سطح پر سونے کی فی اونس قیمت 37 ڈالر کم ہوکر 4 ہزار 358 ڈالر ہوگئی، جبکہ چاندی کی قیمت میں 1.86 ڈالر کی کمی ریکارڈ کی گئی اور یہ 63.21 ڈالر فی اونس پر آگئی۔
یہ بھی پڑھیں:عالمی منڈی میں تیل مسلسل چوتھے روز مہنگا
صرافہ مارکیٹ میں قیمتوں میں کمی کے بعد شہریوں اور سرمایہ کاروں کی توجہ ایک بار پھر سونے کے آئندہ نرخوں پر مرکوز ہوگئی ہے۔
