عالمی و ملکی صرافہ بازاروں میں سونا مزید سستا ہو گیا
آل پاکستان جیمز اینڈ جیولرز ایسوسی ایشن کے مطابق ملکی صرافہ بازاروں میں 24 قیراط کا حامل فی تولہ سونا 4 ہزار 100 روپے سستا ہو گیا، ملکی صرافہ مارکیٹوں میں فی تولہ سونے کی قیمت 4 لاکھ 24 ہزار 836 روپے پر آ گئی۔
جیولرز ایسوسی ایشن کی جانب سے بتایا گیا کہ ملکی صرافہ بازاروں میں 24 قیراط کے حامل 10 گرام سونے کی قیمت میں بھی 3 ہزار 515 روپے کی کمی دیکھنے میں آئی ہے، 10 گرام سونے کی قیمت 3 لاکھ 64 ہزار 228 روپے رہ گئی ہے۔
دوسری جانب عالمی صرافہ بازاروں میں بھی فی اونس سونے کے بھاؤ گر گئے، بین الاقوامی صرافہ مارکیٹوں میں فی اونس سونے کی قیمت میں 41 ڈالر کی کمی دیکھنے میں آئی جس کے بعد عالمی صرافہ منڈی میں فی اونس سونے کا بھاؤ 4 ہزار 24 ڈالر فی اونس رہ گیا۔
یہ بھی پڑھیں: جولائی کیلئے پٹرولیم مصنوعات سستی ہونے کا امکان
علاوہ ازیں مقامی سطح پر آج فی تولہ چاندی کی قیمت میں معمولی اضافہ دیکھا گیا، 24 قیراط کی حامل فی تولہ چاندی کی قیمت میں 25روپے کا اضافہ ہوا ہے جس کے بعد ملکی سطح پر فی تولہ چاندی کی قیمت 6 ہزار 349 روپے کی سطح پر آگئی۔
