پاکستان اور عالمی منڈی میں سونے کی قیمتوں میں بڑا اضافہ
پاکستان اور عالمی منڈی میں سونے اور چاندی کی قیمتوں میں مزید اضافہ ریکارڈ کیا گیا/ فائل فوٹو
Updated | Published June, 15 2026 |
کراچی (ویب ڈیسک): پاکستان اور عالمی منڈی میں سونے اور چاندی کی قیمتوں میں مزید اضافہ ریکارڈ کیا گیا ہے۔
صرافہ مارکیٹ کے مطابق ملک میں سونے کی فی تولہ قیمت میں 10 ہزار 800 روپے کا بڑا اضافہ ہوا، جس کے بعد فی تولہ سونا 4 لاکھ 55 ہزار 136 روپے کا ہوگیا۔
عالمی منڈی میں بھی سونے کی قیمت میں نمایاں اضافہ دیکھا گیا، جہاں سونا 108 ڈالر فی اونس مہنگا ہو کر 4 ہزار 327 ڈالر فی اونس کی سطح پر پہنچ گیا۔
یہ بھی پڑھیں: امریکا ایران ڈیل، عالمی منڈی میں تیل کی قیمتیں گرگئیں
دوسری جانب چاندی کی قیمت میں بھی اضافہ ریکارڈ کیا گیا ہے۔ ملک میں چاندی کی فی تولہ قیمت 230 روپے اضافے کے بعد 7 ہزار 509 روپے ہوگئی۔
مارکیٹ ذرائع کے مطابق عالمی سطح پر قیمتوں میں اتار چڑھاؤ کے اثرات مقامی صرافہ مارکیٹ پر بھی نمایاں طور پر دیکھے جا رہے ہیں۔
