حکومت کا پٹرولیم مصنوعات کی قیمتوں میں کمی کا اعلان
پٹرولیم ڈویژن کی جانب سے پٹرولیم مصنوعات کی نئی قیمتوں سے متعلق نوٹیفکیشن جاری کر دیا۔
نوٹیفکیشن کے مطابق پٹرول کی قیمت میں 5 روپے اور ہائی سپیڈ ڈیزل کی قیمت میں بھی 5 روپے لٹر کمی کر دی گئی۔
نوٹیفکیشن میں بتایا گیا کہ پٹرول کی نئی قیمت 409 روپے 58 پیسے فی لٹر مقرر کی گئی ہے جبکہ ہائی سپیڈ ڈیزل کی نئی قیمت 409 روپے 78 پیسے فی لٹر مقرر کر دی گئی، نئی قیمتوں کا اطلاق رات 12 بجے سے ہو گا۔
وزارت پٹرولیم کے مطابق پٹرولیم مصنوعات کی قیمتوں میں کمی وزیراعظم شہباز شریف سے مشاورت کے بعد کی گئی ہے۔
یہ بھی پڑھیں: عالمی منڈی میں تیل کی قیمتوں میں کمی
یاد رہے کہ حکومت نے گزشتہ ہفتے پیٹرولیم مصنوعات کی قیمتوں میں بڑا اضافہ کردیا تھا، جس کے باعث پیٹرول کی فی لیٹر قیمت بڑھ کر 414 روپے 78 پیسے اور ہائی اسپیڈ ڈیزل کی قیمت 414 روپے 58 پیسے ہوگئی تھی۔
حکومت نے اس سے قبل 29 اپریل کو ہائی اسپیڈ ڈیزل کی قیمت میں فی لیٹر 19 روپے 39 پیسے اور پیٹرول کی قیمت میں 6 روپے 51 پیسے کا اضافہ کردیا تھا۔
