سو روپے مالیت کے پرائز بانڈ کی قرعہ انداز کی تاریخ کا اعلان
نیشنل سیونگز سینٹر کی جانب سے جاری اعلامیہ میں بتایا گیا ہے کہ 100 روپے مالیت کے پرائز بانڈ کی 54 ویں قرعہ اندازی کا انعقاد 15 مئی 2026 کو کیا جائے گا۔
100 روپے مالیت کے پرائز بانڈ کے لیے پہلا انعام اور صرف ایک انعام 7 لاکھ روپے ۔ دوسرا انعام 3 خوش نصیبوں کے لیے 2 لاکھ روپے جبکہ تیسرا انعام ایک لاکھ روپے فی کس متعدد فاتحین کے لیے رکھا گیا ہے۔
اعلامیہ کے مطابق حکومتِ پاکستان کے قوانین کی روشنی میں انعامی رقم پر رجسٹرڈ افراد کے لیے 15 فیصد اور غیر رجسٹرڈ افراد کے لیے 30 فیصد ٹیکس کٹوتی ہوگی۔
یہ ٹیکس انکم ٹیکس آرڈیننس 2001 کے سیکشن 156 کے تحت حتمی ہے اور یہ ری فنڈ نہیں ہو گا۔
یہ بھی پڑھیں: 1500 روپے مالیت کے پرائز بانڈ کی قرعہ اندازی کی تاریخ کا اعلان
نیشنل سیونگز سینٹر کا کہنا ہے کہ پرائز بانڈ میں لگائی گئی رقم مکمل طور پر محفوظ ہے اور شہری کسی بھی وقت بانڈز کو کسی بھی کٹوتی کے بغیر نقد رقم میں تبدیل کروا سکتے ہیں۔
یہ بانڈز تمام کمرشل بینکوں کی شاخوں اور نیشنل سیونگز سینٹرز سے حاصل کیے جا سکتے ہیں۔
