رپورٹ کے مطابق نیشنل سیونگز سینٹر لاہور میں رواں برس کی 1500 روپے مالیت کے پرائز بانڈ پہلی کی قرعہ اندازی کے لیے تیاری مکمل کر لی گئی، تمام پاکستانی شہری اپنے اصل شناختی کارڈ کی کاپی کے ہمراہ درخواست جمع کروا کر اسٹیٹ بینک کے دفتر، کمرشل بینکوں کی مجاز برانچز اور نیشنل سیونگز سینٹرز سے پرائز بانڈز خرید سکتے ہیں۔

قرعہ اندازی میں جیتنے والےاپنی انعامی رقم کا دعویٰ اسٹیٹ بینک کے کسی بھی فیلڈ آفس، نامزد کمرشل بینک کی برانچوں یا نیشنل سیونگز سینٹرز سے آفیشل کلیم فارم مکمل کر سکتے ہیں۔

پہلے انعام کے خوش نصیب کو 30 لاکھ روپے کی خطیر انعامی رقم ملے گی جبکہ دوسرے انعام کے لیے تین خوش نصیب ہوں گے جن میں سے ہر ایک کو 10 ،10 لاکھ روپے دیے جائیں گے۔

یہ بھی پڑھیں: پانچ ہزار کا نوٹ ختم کرنے کی افواہوں پر سٹیٹ بینک کا مؤقف آگیا

اسی طرح تیسرے انعام کے لیے ایک ہزار 696 خوش نصیبوں کو منتخب کیا جائے گا اور ہر فاتح کو 18 ہزار 500 روپے کی انعامی رقم ملے گی۔

حکومت کی جانب سے ترمیم شدہ ٹیکس پالیسی کے مطابق انعامی رقم جیتنے والوں پر ان کے ٹیکس فائلر ہونے کی بنیاد پر مختلف شرحوں سے ٹیکس کا نفاذ ہو گا، فائلرز کے لئے انعامی رقم پر 15 فیصد ٹیکس نافذ ہو گا جبکہ نان فائلرز کو انعامی رقم کا 30 فیصد بطور ٹیکس ادا کرنا پڑے گا۔

واضح رہے کہ 1500 روپے مالیت کے پرائز بانڈ کی اگلی قرعہ اندازی کا انعقاد 16 فروری 2026 کو لاہور میں ہی ہوگا۔