حالیہ دنوں میں مسلسل اضافے کے بعد اب سونے کی قیمتوں نے ریورس گیئر لگا لیا ہے۔
آل پاکستان صرافہ جیمز اینڈ جیولرز ایسوسی ایشن کے مطابق فی تولہ سونے کی قیمت میں 3 ہزار 300 روپے کی بڑی کمی ہوئی ہے، جس کے بعد نئی قیمت 5 لاکھ ایک ہزار 562 روپے ہو گئی۔
اسی طرح 10 گرام سونے کی قیمت میں بھی 2 ہزار 829 روپے کی کمی ریکارڈ کی گئی، جس کے بعد یہ 4 لاکھ 30 ہزار روپے تک آ گئی ہے۔
معاشی ماہرین کا کہنا ہے کہ مقامی مارکیٹ میں قیمتوں میں یہ کمی عالمی مارکیٹ کے رجحان کے مطابق ہوئی ہے، عالمی سطح پر بھی سونے کی قیمت میں کمی دیکھنے میں آئی، جہاں فی اونس سونے کا بھاؤ 33 ڈالر کم ہو کر 4792 ڈالرز پر آ گیا ہے۔
تجزیہ کاروں کے مطابق عالمی معاشی حالات، ڈالر کی قدر اور سرمایہ کاروں کے رجحان میں تبدیلی سونے کی قیمتوں پر براہ راست اثر انداز ہوتی ہے۔
ان کا کہنا ہے کہ اگر عالمی مارکیٹ میں یہی رجحان برقرار رہا تو مقامی سطح پر بھی قیمتوں میں مزید کمی کا امکان موجود ہے۔
یہ بھی پڑھیں:گھر یا پلاٹ خریدنے والوں کیلئے بڑی خوشخبری
دوسری جانب شہریوں کا کہنا ہے کہ سونے کی قیمتوں میں کمی شادی بیاہ اور دیگر ضروریات کیلئے خریداری کو آسان بنا سکتی ہے، تاہم وہ مزید کمی کے منتظر ہیں۔
