مارکیٹ کے اعداد و شمار کے مطابق گزشتہ ایک ہفتے کے دوران کوکنگ آئل کی قیمت میں فی لیٹر 60 روپے تک اضافہ ہوا ہے جس کے بعد خوردہ قیمت 550 روپے فی لیٹر تک پہنچ گئی ہے۔

دکانداروں کا کہنا ہے کہ کوکنگ آئل پہلے 490 روپے فی لیٹر میں دستیاب تھا، تاہم سپلائی میں کمی کے باعث قیمتوں میں اضافہ ہوا۔

حالیہ اضافے نے صارفین کی مالی مشکلات میں مزید اضافہ کر دیا ہے کیونکہ وہ پہلے ہی اشیائے ضروریہ کی بڑھتی ہوئی قیمتوں کا سامنا کر رہے ہیں۔

یہ بھی پڑھیں: سونے اور چاندی کی قیمتوں میں اضافہ

اسی دوران آٹے کی قیمتوں میں بھی اضافہ دیکھنے میں آیا ہے، جہاں 5 کلو آٹے کا تھیلا 900 روپے میں فروخت ہو رہا ہے جو مارکیٹ میں موجود دیگر برانڈز کے مقابلے میں نمایاں طور پر زیادہ ہے۔

یہ اضافہ پاکستان میں مجموعی مہنگائی کے تناظر میں سامنے آیا ہے، جہاں ضروری خوراکی اشیاء کی بڑھتی ہوئی قیمتیں گھریلو بجٹ پر مسلسل دباؤ ڈال رہی ہیں۔