چند روز قبل ہونڈا کی جانب سے سِوک کے معمولی فیس لفٹ ورژنز متعارف کرانے کا اعلان کیا گیا تھا، جن میں صارفین کی حفاظت اور سہولت کو مدنظر رکھتے ہوئے تمام ویریئنٹس میں ہونڈا سینسنگ کو بطور اسٹینڈرڈ فیچر شامل کیا گیا۔

اس جدید سیفٹی پیکج میں جدید ڈرائیور اسسٹ سسٹمز شامل ہیں، جو گاڑی کو مزید محفوظ اور جدید بناتے ہیں۔ اس کے علاوہ فرنٹ گرِل کے نئے ڈیزائن سمیت ظاہری خدوخال میں بھی نمایاں تبدیلیاں کی گئی ہیں، جو سِوک کو زیادہ اسپورٹی اور پرکشش شکل دیتی ہیں۔

ذہن نشین رہے کہ کمپنی اس سے قبل ہونڈا سِوک فیس لفٹ کی بکنگ قیمتیں جاری کر چکی تھی، تاہم اب نئے سال کے موقع پر اپڈیٹڈ ماڈلز کی باضابطہ تعارفی ایکس فیکٹری قیمتیں سامنے آ گئی ہیں۔

یہ بھی پڑھیں:سال 2026: ہونڈا ایٹلس موٹرسائیکلوں کے نئے ماڈلز متعارف

جاری کردہ تفصیلات کے مطابق ہونڈا سِوک اسٹینڈرڈ کی قیمت 84,99,000 روپے، ہونڈا سِوک اورئیل کی قیمت 88,34,000 روپے جبکہ ہونڈا سِوک آر ایس کی قیمت ایک کروڑ ایک لاکھ روپے مقرر کی گئی ہے۔

ہونڈا کی جانب سے واضح کیا گیا کہ یہ قیمتیں تعارفی بنیادوں پر رکھی گئی ہیں، جو محدود مدت کیلئے برقرار رہیں گی، جس کے بعد ان میں اضافے یا تبدیلی کا امکان موجود ہے۔