آل پاکستان جیمز اینڈ جیولرز ایسوسی ایشن کے مطابق ملکی صرافہ بازاروں میں 24 قیراط کے حامل فی تولہ سونے کی قیمت میں 2 ہزار روپے کی کمی ریکارڈ کی گئی جس کے بعد پاکستان میں فی تولہ سونے کی قیمت 3 لاکھ 55 ہزار روپے سے کم ہو کر 3 لاکھ 53 ہزار روپے پر آگئی۔
جیولرز ایسوسی ایشن کی جانب سے بتایا گیا کہ ملکی صرافہ مارکیٹوں میں 24 قیراط کے حامل 10 گرام سونے کی قیمت میں بھی کمی دیکھنے میں آئی، آج دس گرام سونے کے بھاؤ میں ایک ہزار 714 روپے کمی آئی جس کے بعد ملکی صرافہ مارکیٹوں میں 10 گرام سونا 3 لاکھ 2 ہزار 641 روپے کا ہو گیا۔
اسی طرح عالمی صرافہ منڈیوں میں بھی سونے کے بھاؤ میں کمی ریکارڈ کی گئی، بین الاقوامی صرافہ بازاروں میں سونا 20 ڈالر فی اونس سستا ہو گیا جس کے بعد عالمی صرافہ مارکیٹوں میں فی اونس سونے کی قیمت 3 ہزار 303 ڈالر پر آگئی۔
یہ بھی پڑھیں: موٹر سائیکلوں کی نئی قیمتوں کا اعلان، اطلاق کب سے ہوگا؟
دوسری جانب پاکستانی صرافہ بازاروں میں ایک تولہ چاندی کی قیمت میں معمولی کمی دیکھنے میں آئی ، ملکی صرافہ مارکیٹوں میں فی تولہ چاندی کی قیمت 63 روپے کمی کے بعد 3 ہزار 900 روپے ہو گئی۔
یاد رہے کہ گزشتہ روز صرافہ بازاروں میں فی تولہ سونے کی قیمت میں 300 روپے کا اضافہ ہوا تھا جس کے بعد فی تولہ سونے کی قیمت 3 لاکھ55 روپے ریکارڈ کی گئی تھی جبکہ چاند ی کی فی تولہ قیمت 3 ہزار 963 روپے پر مستحکم رہی تھی۔
