انتخابات میں شکست، ٹرمپ انتظامیہ سے پہلا بڑا استعفیٰ آگیا
رپورٹس کے مطابق ہرمیت ڈھلون کا استعفیٰ وسط مدتی انتخابات میں ریپبلکنز کی ناکامی کے بعد سامنے آیا ہے، جسے ٹرمپ انتظامیہ کیلئے ایک اہم سیاسی پیش رفت قرار دیا جا رہا ہے۔
دوسری جانب وسط مدتی انتخابات میں شاندار کامیابی حاصل کرنے والی ڈیموکریٹک پارٹی نے صدر ڈونلڈ ٹرمپ کی پالیسیوں کا احتساب کرنے اور ان کے صدارتی اختیارات کو محدود کرنے کا اعلان کردیا ہے۔
انتخابی نتائج کے بعد واشنگٹن میں سیاسی کشیدگی بڑھنے کا خدشہ ظاہر کیا جا رہا ہے، جبکہ آئندہ دو برس کے دوران قانون سازی کے عمل میں رکاوٹیں پیدا ہونے کا امکان بھی ہے۔
رپورٹس کے مطابق ڈیموکریٹس نے سینیٹ میں 54 نشستیں حاصل کرکے اکثریت حاصل کرلی، جبکہ ایوان نمائندگان میں بھی اپنی نشستوں کی تعداد میں 30 کا اضافہ کیا ہے۔
ڈیموکریٹک رہنما حکیم جیفریز نے کہا ہے کہ ان کی جماعت کی اولین ترجیحات میں عوام کو درپیش مہنگائی کے مسائل کا حل اور ٹرمپ انتظامیہ کا احتساب شامل ہوگا۔
انہوں نے واضح کیا کہ ڈیموکریٹس حکومت کی پالیسیوں اور اقدامات پر کڑی نظر رکھیں گے۔
یہ بھی پڑھیں:امریکی نائب صدر نے ایران جنگ ختم کرنے کا مطالبہ کردیا
سیاسی مبصرین کے مطابق انتخابی نتائج اور ڈیموکریٹس کے سخت مؤقف کے باعث صدر ٹرمپ کو آئندہ دو سال کے دوران سیاسی اور انتظامی سطح پر مشکلات کا سامنا کرنا پڑ سکتا ہے۔
