سعودی اتحاد کا مکہ مکرمہ پر ڈرون حملہ ناکام بنانے کا دعویٰ
مکہ ریجن میں ایک ڈرون کی نشاندہی کے بعد اسے روک کر تباہ کیا گیا/ فائل فوٹو
Updated 16 گھنٹے قبل | Published November, 3 2026 |
ریاض (ویب ڈیسک) یمن کے حوثیوں کے خلاف کارروائی کرنے والے سعودی قیادت میں قائم اتحاد نے دعویٰ کیا ہے کہ اس نے مکہ کے علاقے میں ایک ڈرون کو روک کر تباہ کردیا ہے۔
خبر رساں ادارے اے ایف پی کے مطابق اتحاد کے ترجمان ترکی المالکی نے سوشل میڈیا پر جاری بیان میں کہا کہ مکہ ریجن میں ایک ڈرون کی نشاندہی کے بعد اسے روک کر تباہ کردیا گیا۔
یہ بھی پڑھیں: ایرانی حملوں نے امریکی فوجی اڈوں کو ہلا کر رکھ دیا، 274 عمارتیں تباہ
ترجمان نے تاہم یہ نہیں بتایا کہ ڈرون کہاں سے آیا تھا اور اسے کس نے بھیجا تھا۔
رپورٹ کے مطابق سعودی عرب کو حالیہ عرصے میں متعدد مرتبہ حملوں کی لہروں کا سامنا کرنا پڑا ہے۔ مکہ ریجن میں ڈرون روکنے کا یہ واقعہ بھی انہی واقعات کے تناظر میں سامنے آیا ہے۔
تاحال ڈرون کے ہدف، مقامِ پرواز اور ذمہ دار فریق کے بارے میں مزید تفصیلات جاری نہیں کی گئیں۔
