سعودی عرب میں مقیم پاکستانیوں کیلئے اہم ہدایت
اپنے ویڈیو بیان میں حافظ طاہر اشرفی نے پاکستانی شہریوں کو ہدایت کی کہ حوثی حملوں، انہیں ناکام بنانے کی کارروائیوں، ملبے، سکیورٹی تنصیبات اور دیگر حساس مقامات کی تصاویر یا ویڈیوز سوشل میڈیا پر شیئر کرنے سے گریز کریں۔
انہوں نے سعودی عرب میں مقیم پاکستانیوں کو خبردار کیا کہ قانون کے منافی تبصروں، افواہوں اور غیر مصدقہ اطلاعات کو آگے نہ بڑھایا جائے۔
یہ بھی پڑھیں: ایف پی ایس سی امتحانی شیڈول تبدیل نہ کرنے کا فیصلہ
حافظ طاہر اشرفی کا کہنا تھا کہ موجودہ حساس صورتحال میں سکیورٹی تنصیبات اور واقعات سے متعلق معلومات شیئر کرنا سعودی قوانین اور وزارت داخلہ کی ہدایات کے منافی ہوسکتا ہے۔
انہوں نے پاکستانی شہریوں سے اپیل کی کہ وہ ذمہ داری کا مظاہرہ کریں اور ایسی کسی سرگرمی سے گریز کریں جو ان کے لیے مشکلات یا دونوں ممالک کے تعلقات کے لیے مسائل کا باعث بن سکتی ہو۔
چیئرمین پاکستان علماء کونسل نے کہا کہ سعودی عرب پاکستان کا برادر ملک اور ارضِ حرمین شریفین ہے، اس لیے اس کے احترام اور سلامتی کی پاسداری ہم سب کی ذمہ داری ہے۔
