پی آئی اے میں فضائی میزبانوں کی بھرتیوں کا اعلان

پی آئی اے کی جانب سے جاری تفصیلات کے مطابق فضائی میزبان کی آسامیوں کے لیے 20 سے 28 سال کی عمر کے نوجوان امیدوار درخواست دینے کے اہل ہوں گے، جبکہ امیدوار کے لیے کم از کم تعلیمی قابلیت بیچلر ڈگری مقرر کی گئی ہے۔

خواہش مند امیدوار پی آئی اے کی آفیشل ویب سائٹ کے ذریعے اپنی درخواستیں آن لائن جمع کراسکتے ہیں، درخواستیں جمع کرانے کی آخری تاریخ 7 اکتوبر مقرر کی گئی ہے۔

یہ بھی پڑھیں: جڑواں شہروں میں میٹرو بس بند کرنے کا فیصلہ

پی آئی اے حکام کے مطابق کراچی بیس سے قبل لاہور اور اسلام آباد بیس کے لیے بھی فضائی میزبانوں کی بھرتیوں کا عمل شروع کیا جاچکا ہے۔

حکام کا کہنا ہے کہ کراچی بیس کے لیے نئی بھرتیاں ایئرلائن کے فضائی آپریشنز کو بہتر بنانے اور عملے کی ضروریات پوری کرنے کے لیے کی جارہی ہیں۔