سونے کی قیمت میں نمایاں کمی، فو تولہ کتنے کا ہو گیا؟

عالمی مارکیٹ میں کمی کے اثرات مقامی صرافہ مارکیٹوں پر بھی پڑے، جہاں فی تولہ سونے کی قیمت 3 ہزار 100 روپے کمی کے بعد 4 لاکھ 34 ہزار 436 روپے ہوگئی۔

اسی طرح 10 گرام سونے کی قیمت میں 2 ہزار 658 روپے کمی ہوئی، جس کے بعد نئی قیمت 3 لاکھ 72 ہزار 458 روپے ہوگئی۔

یہ بھی پڑھیں: عالمی منڈی میں تیل کی قیمتیں بڑھ گئیں

بین الاقوامی بلین مارکیٹ میں سونے کی قیمت 31 ڈالر کمی کے بعد 4 ہزار 119 ڈالر فی اونس کی سطح پر آگئی۔

مقامی مارکیٹ میں بھی فی تولہ چاندی کی قیمت 100 روپے کمی سے 6 ہزار 488 روپے، جبکہ 10 گرام چاندی کی قیمت 86 روپے کمی سے 5 ہزار 562 روپے کی سطح پر آگئی۔

دوسری جانب عالمی مارکیٹ میں چاندی کی قیمت ایک ڈالر کمی کے بعد 60 ڈالر 10 سینٹس فی اونس ہوگئی۔