سربیا کے صدر الیگزینڈر ووچیک کا مستعفی ہونے کا اعلان
میڈیا رپورٹس کے مطابق الیگزینڈر ووچیک نے یہ اعلان 15 ستمبر کو ایک ٹی وی پروگرام کے دوران کیا۔
رپورٹس کے مطابق صدر الیگزینڈر ووچیک صدارت سے مستعفی ہونے کے بعد وزیراعظم کے عہدے کے لیے انتخاب لڑنے کا ارادہ رکھتے ہیں۔ سربیا میں 25 اکتوبر 2026 کو قبل از وقت پارلیمانی انتخابات ہونے جا رہے ہیں۔
الیگزینڈر ووچیک کی جماعت سربین پروگریسو پارٹی (ایس این ایس)نے انہیں وزیراعظم کے امیدوار کے طور پر نامزد بھی کردیا ہے۔
یہ بھی پڑھیں: پیٹرول کی قیمتوں میں اضافے کیخلاف عوام سڑکوں پر نکل آئی
میڈیا رپورٹس کے مطابق الیگزینڈر ووچیک آئینی طور پر مزید ایک صدارتی مدت کے لیے امیدوار نہیں بن سکتے، کیونکہ وہ پہلے ہی دو مرتبہ سربیا کے صدر منتخب ہوچکے ہیں۔
صدارت سے مستعفی ہوکر وزیراعظم کے عہدے کے لیے انتخاب لڑنے کا فیصلہ الیگزینڈر ووچیک کے لیے سربیا کی سیاست میں اپنا سیاسی اثر و رسوخ برقرار رکھنے کا اہم راستہ قرار دیا جا رہا ہے۔
