نایاب سفید بازکتنے میں نیلام ہوا؟ قیمت نے سب کے ہوش اُڑا دیئے
امریکا کے مارک موگلچ فارم میں پرورش پانے والے اس نایاب باز کا وزن ایک ہزار گرام، جبکہ اس کی لمبائی اور چوڑائی 16.5 انچ ہے۔ یہ باز اپنے سفید پروں اور غیر معمولی جسمانی خدوخال کی وجہ سے ایک منفرد حیثیت کا حامل ہے۔
رواں سال منعقد ہونے والی اس نمائش میں مقامی اور بین الاقوامی سطح کے 55 معروف فالکن بریڈنگ فارمز حصہ لے رہے ہیں۔
یہ بھی پڑھیں: آسٹریا میں نئے تعلیمی سال کے آغاز کے ساتھ ہی اسکولوں میں حجاب پہننے پر پابندی
عرب خصوصاً خلیجی معاشروں میں باز پالنا اور باز کے ذریعے شکار صدیوں پرانی روایت کا حصہ ہے۔ ابوظہبی میں منعقد ہونے والی یہ نمائش اسی ثقافتی ورثے کو اجاگر کرنے کے ساتھ دنیا بھر کے ماہرین، بریڈرز اور باز پالنے کے شوقین افراد کو ایک پلیٹ فارم فراہم کرتی ہے۔
متحدہ عرب امارات میں باز کو طاقت، جرأت اور فخر کی علامت سمجھا جاتا ہے۔ اسی قدیم روایتی شوق کو جدید خطوط پر استوار کرنے اور دنیا کے بہترین پرندوں کو ایک پلیٹ فارم پر لانے کے لیے ابوظہبی جیسی بین الاقوامی نمائشوں کا انعقاد کیا جاتا ہے۔
