ایران میں تباہ امریکی طیاروں اور ڈرونز کا ملبہ نمائش کیلئے پیش
ایرانی پاسداران انقلاب کی جانب سے لگائی گئی نمائش میں امریکی ایف 15 ای اسٹرائیک ایگل کے ملبے سمیت دیگر امریکی اور اسرائیلی فضائی اثاثوں کی باقیات رکھی گئی ہے۔
نمائش میں ایف 15 ای کے پائلٹ کی ایجیکشن سیٹ، طیارے کی کنوپی کا حصہ، دم کا ایک ٹکڑا اور دیگر ملبہ شامل ہے۔
اس کے علاوہ امریکی ایم کیو 1 پریڈیٹر اور ایم کیو 9 ریپر ڈرونز کی باقیات بھی نمائش کا حصہ بنائی گئی ہے۔
یہ بھی پڑھیں:ایران سے نمٹنے کیلیے امریکا ہر ہتھیار استعمال کریگا: جے ڈی وینس
امریکی میڈیا کے مطابق یہ نمائش پاسداران انقلاب کی ایک زیر زمین تنصیب میں منعقد کی گئی ہے جہاں جنگ کے دوران حاصل کیے گئے فضائی ملبے کو عوام کے سامنے پیش کیا گیا۔
ایران اس نمائش کو اپنی فضائی دفاعی صلاحیت کا مظاہرہ قرار دے رہا ہے جبکہ امریکی فضائی طاقت کے خلاف اسے اپنی جنگی کامیابی کی علامت کے طور پر بھی پیش کیا جا رہا ہے۔
