یورپ میں شدید گرمی کی لہر انسانی جانیں نگلنے لگی
یورپی میڈیا رپورٹس کے مطابق یورپ کے مختلف ممالک میں شدید گرمی اور ہیٹ ویو کے باعث معمولات زندگی متاثر ہو کر رہ گئے۔
اسپین میں ہیٹ ویو کے باعث 4 روز میں 200 سے زائد افراد جان کی بازی ہار گئے ، کئی علاقوں میں درجہ حرارت 42 ڈگری سینٹی گریڈ کو چھونے لگا۔
رپورٹ میں بتایا گیا کہ فرانس میں بھی ہیٹ ویو سے ہلاکتوں کی تعداد 50 تک جا پہنچی ہے جہاں 80 برس میں پہلی مرتبہ درجہ حرارت 44 ڈگری سے بھی تجاوز کر گیا ہے جبکہ اٹلی میں بھی گزشتہ 24 گھنٹوں کے دوران شدید گرمی کے باعث 5 افراد ہلاک ہو گئے۔
ادھر لندن اور ساؤتھ ایسٹ انگلینڈ کیلئے شدید گرمی کی ریڈ وارننگ میں کل تک بروز جمعہ تک توسیع کردی گئی ہے۔
موسم کا احوال بتانے والوں کا کہنا ہے کہ لندن میں درجہ حرارت 30 سے 40 ڈگری سینٹی گریڈ کے درمیان ہی رہنے کی توقع ہے۔
یہ بھی پڑھیں: رواں سال ایک ہزار عمرہ زائرین شاہی مہمان بنیں گے
گرمی کے باعث اسپتالوں پر مریضوں کا دباؤ بڑھنے لگا ہے، مختلف ہسپتالوں میں شدید گرمی اور ہیٹ ویو سے متاثرہ افراد رپورٹ ہو رہے ہیں۔
رائل کالج آف فزیشنز کا کہنا ہے کہ شدید گرمی کے باعث ہسپتالوں کی مشینیں اور آلات بھی بری طرح متاثر ہو رہے ہیں اور ان کی خرابی کا اندیشہ ہے۔
