غیر ملکی میڈیا رپورٹس کے مطابق حملہ اسرائیل کے اہم شہر کو نشانہ بناتے ہوئے کیا گیا جس کے بعد خطے میں سکیورٹی خدشات مزید بڑھ گئے ہیں۔
روسی میڈیا کے مطابق ایرانی فوج کے طاقتور دستے پاسدارانِ انقلاب ایران نے اسرائیل پر ایک ہی وقت میں درجنوں ڈرونز اور میزائل فائر کیے۔
ابتدائی اطلاعات کے مطابق حملے کے دوران متعدد دھماکوں کی آوازیں سنی گئیں تاہم فوری طور پر یہ واضح نہیں ہوسکا کہ میزائلوں کا اصل ہدف کیا تھا اور اس کے نتیجے میں کتنا جانی یا مالی نقصان ہوا۔
میڈیا رپورٹس کے مطابق تل ابیب کی فضائی صورتحال دکھانے والے براہ راست نشریاتی کیمرے کو عین اس وقت نیچے کر دیا گیا جب شہر کی فضا میں میزائلوں کے داخل ہونے کی آوازیں سنائی دینا شروع ہوئیں۔ اس دوران کیمرے کا رخ آسمان سے ہٹا کر سڑک کی طرف کر دیا گیا جس کے باعث صورتحال کے براہ راست مناظر محدود ہو گئے۔
دلچسپ بات یہ بھی سامنے آئی کہ حملے کے وقت تل ابیب میں ہنگامی سائرن بھی نہیں بجائے گئے، جس پر سکیورٹی نظام کی کارکردگی سے متعلق سوالات اٹھنے لگے ہیں۔
یہ بھی پڑھیں:آبنائے ہرمز بند ہونے کے باعث تیل کتنا مہنگا ہوسکتا ہے؟
ماہر بین الاقوامی امور کا کہنا ہے کہ اگر ایران کی جانب سے کلسٹر بموں سے لیس خیبر شکن میزائل کا استعمال ثابت ہوگیا تو یہ خطے میں عسکری صورتحال کو مزید پیچیدہ بنا سکتا ہے۔ عالمی برادری کی نظریں اب اس واقعے کے ممکنہ ردعمل اور خطے میں بڑھتی کشیدگی پر مرکوز ہیں۔
