ذرائع کے مطابق بھارت کے مختلف شہروں میں پاکستان کے خوف سے بلیک آؤٹ کردیا گیا جبکہ بھارتی سوشل میڈیا پر مہاراشٹر اور امرتسر میں دھماکوں کی خبریں گردش کررہی ہیں۔

 امرتسر کے شہری نے سوشل میڈیا پر ایک پوسٹ کی جس میں اس نے بتایا کہ امرتسر میں اس نے تین دھماکوں کی آوازیں سنی ہیں۔

ذرائع کا بتانا ہے کہ پولیس کمشنر امرتسر گرپریت سنگھ پلر نے دھماکوں کی تصدیق کرتے ہوئے کہا ہے کہ دھماکوں کی وجوہات کا تعین کیا جارہا ہے ۔

علاوہ ازیں 5 طیارے اور انفنٹری بٹالین ہیڈ کوارٹ تباہ کرانے کے بعد بھارت کو پاک فضائیہ کا خوف ستانے لگا، بھارت نے چندی گڑ اور سری نگر سمیت 25 ایئر پورٹس بند کر دیئے ۔

ذرائع کے مطابق بھارت نے تمام ایئر پورٹس کو 10 مئی صبح چھ بجے تک کیلئے بند کیا ہے، بھارتی حکومت نے تین سو فلائیٹس بھی معطل کر دیں۔

یاد رہے گزشتہ بھارت نے پاکستان کی فضائی حدود کی خلاف ورزی کرتے ہوئے پاکستان کے مختلف شہروں میں میزائل اور ڈرون حملے کیے تھے جس پر پاکستانی فوج نے بھارت کو منہ توڑ جواب دیا تھا ۔