میڈیا رپورٹس میں بتایا گیا ہے نئی ویزہ پالیسی کے مطابق اب ویزہ کی درخواست کیساتھ کنفرم ریٹرن ٹکٹ اور بینک سٹیٹمنٹ بھی لازمی قرار دی گئی جس میں کم ازکم 5 ہزار امریکی ڈالر یا مساوی رقم ہونی چاہیے۔

ویزہ پالیسی میں تبدیلی سے متعلق اماراتی سفارتخانے کی جانب سے جاری بیان میں کیا گیا ہے کہ امارات کی ویزہ فیس 69 امریکی ڈالر فی کس مقرر کی گئی ہے اور تمام ویزوں کے لیے درخواست آن لائن جمع کرانا لازمی ہوگا۔

درخواست دہندگان کو ہدایت کی گئی ہے کہ تمام ضروری دستاویزات اپنے ساتھ لازمی رکھیں اور سفارتخانے میں ویزہ درخواست جمع کراتے وقت ہوٹل یا رہائش کا ثبوت اور کنفرم ریٹرن ٹکٹ لازمی طور پر پیش کریں۔
ویزہ کی درخواست کیلئے پاسپورٹ کی میعاد کم از کم 6 ماہ ہونی چاہیے اور ویزہ فیس مخصوص الفلاح بینک اکاؤنٹ میں جمع کراناہوگی۔

ترجمان نے بتایا کہ بچوں کے ویزہ کے حوالے سے بھی نئی ہدایات جاری کی گئی ہیں، 5 سال سے کم عمر بچوں کو ویزہ سینٹر لے جانے کی ضرورت نہیں ہوگی تاہم 6 سال یا اس سے زائد عمر کے بچوں کو ویزہ سینٹر جانا لازمی ہوگا جہاں انکی بائیومیٹرک تصدیق اور ویزہ پراسیسنگ کا عمل مکمل کیا جائے گا۔